“Рэгіянальная газета” паведамляла, што ў Мiнску адбылося пасяджэнне журы конкурсу эскізных праектаў помніка Максіму Танку.

У пасяджэнні прымалі ўдзел і прадстаўнікі Мядзельшчыны.

На суд жыры прадставілі чатыры праекты помніка. На двух з іх паэт адлюстраваны седзячы, яшчэ на двух – стоячы. Адным з варыянтаў было паказаць паэта на парозе бацькоўскай хаты, яшчэ адным –  калі ён стаіць на камяні.

У выніку журы адобрыла вось гэты праект (на здымку). Яго аўтары – скульптары Аляксандр Фінскі і Іван Міско і архітэктар Армен Сардараў. Паэт паказаны ў момант, калі ідзе па брукаванцы. Яна  ўвасабляе шлях жыцця песняра, сугучны з вершам “Камяні” (твор напісаны ў 1946 годзе).

– Чаму менавіта гэты праект выбрала журы? – запытаў у намесніка начальніка ўпраўлення культуры Мінаблвыканкама Святланы Баранок.

– На мой погляд, таму, што  ён выглядае найбольш сучасна з прапанаваных, – адказала яна. – І адлюстроўвае сутнасць Максіма Танка як паэта, грамадзяніна, чалавека.

У бліжэйшы час аўтары праекта будуць дапрацоўваць дэталі ў прывязцы да мясцовасці. Помнік з натуральнага каменя і бронзы плануюць устанавіць  сёлета. Размясціцца ён на рагу вуліцы 17 Верасня і плошчы Шаранговіча ў Мядзеле, непадалёку ад гарадскога Дома культуры.

Алесь ВЫСОЦКІ.

Фота забяспечана Ганнай Падгол.

Чытайце таксама:

31.01.2013.Выбралі праект помніка Максіму Танку ў Мядзеле

25.12.2012.Касцяневічы. Таямніца забойства сястры Максіма Танка

27.09.2012.Творчасць Наталлі Арсенневай – набытак Беларусі

17.09.2012.Максім Танк дапамог атрымаць кватэру