У чацвер у цэнтры карэкцыйна-развіццёвага навучання і рэабілітацыі дзяцей-інвалідаў прайшоў конкурс на лепшы торт.

У ім прымалі актыўны ўдзел бацькі дашкольных груп і класаў, групы для заняткаў у прысутнасці бацькоў.  І праходзіў ён у два этапы: тэарэтычны і практычны.

 Мамы разбіліся на дзве каманды – «Божая кароўка» і «Фантазёры». У першым этапе яны змагаліся паміж сабой у веданні прымавак і песень на кулінарныя тэмы. У другім – падрыхтавалі прыгожыя торты і праспявалі прыпеўкі, якія былі на тэму ежы.

Выхаванцы падчас прыгатавання салодкіх шэдэўраў падтрымлівалі сваіх мам і дапамагалі атрымаць больш балаў.

Мамы ж гатавалі торты з гатовых каржоў, але яны вельмі адрозніваліся паміж сабой. Нават па назвах.  Адзін торт называўся «Ягада на снезе», а другі – «Салодкая палянка».

Конкурс завяршыўся дэгустацыяй тортаў і правядзеннем сумеснага чаявання ў групах і класах разам з педагогамі і бацькамі.

Мамы былі ўзнагароджаныя медалямі.

Пра гэта паведаміла нашаму выданню арганізатар мерапрыемства настаўнік-дэфектолаг Інэса Красько.

Вольга ЮРКЕВІЧ.

Фота centermolod.edu.