Апытанне праводзілі ў Маладзечне.

Наталля Батракова, пісьменніца:

– У мяне вельмі пяшчотныя адносіны да мужчын. Яны бяруць на сябе адказнасць абсалютна за ўсё: за справу, за сям’ю, за жанчыну і дзяцей. І каб мужчына стаў такім, якім яго хоча бачыць жанчына, яна павінна яму ў гэтым дапамагаць.

Любоў Кавалеўская, настаўніца:

– Разумным, прыстойным. Каб да жанчыны адносіўся так, як належыць сапраўднаму мужчыну: паважаў, дапамагаў.

Таццяна Закрэўская, загадчыца аддзела абслугоўвання бібліятэкі:

– Добрым, разумным, сумленным, адказным, спагадлівым і каб кахаў. Каб жыў па хрысціянскіх запаведзях.

Ніна Падцялежнікава, пенсіянерка:

– Сапраўдны мужчына павінны быць сумленным, справядлівым, верным і шчодрым. Ён павінны паважаць усіх і любіць ўсё: і прыроду, і жонку, і дзяцей, і ўсіх людзей на Зямлі.

Іна Ляшчэвіч, канцэртмайстар:

– Мужчына павінны быць моцны духам, смелы і сумленны. І ён павінны вельмі моцна кахаць сваю жонку, любіць дзяцей. Ну і, канешне ж, быць лідарам. Але, у першую чаргу, быць адданым сваім блізкім.

Таццяна Котава, пенсіянерка:

– Сумленным, мужным, прыгожым, здаровым і разумным.

Алена Бурская, тэхработніца:

– Мужным, добрым і з пачуццём гумару. Ён павінны клапаціцца пра сваю сям’ю.

Настасся РОЎДА, Вольга ЮРКЕВІЧ.

Фота www.1280×800.net