Супрацоўнікі міліцыі ў Валожынскім раёне затрымалі 18-гадовага хлопца, які здымаў і распаўсюджваў парнаграфічныя ролікі і фотаздымкі непаўналетнім сябрам.

– У яго знайшлі каля 800 фотаздымкаў і 80-і відэаролікаў, якія носяць парнаграфічны характар, – кажа старшы следчы Валожынскага раённага Следчага камітэта Юлія Селятыцкая.

Частку парнаграфічных файлаў ён зняў са сваёй непаўналетняй дзяўчынай, з якой сустракаецца каля трох гадоў. Яны пазнаёміліся, калі вучыўся ў валожынскім ліцэі. Пара здымала саміх сябе.

А таксама частку парнаграфічных файлаў хлопец запампоўваў з інтэрнэта і захоўваў сабе на тэлефон.

Яшчэ адзін валожынец выклаў парнаграфічныя відэа з непаўналетнімі на старонцы “Укантакце”

Гэтыя парнаграфічныя файлы ён “скідаў” сваім непаўналетнім сябрам. Суседу ў вёсцы ён прапанаваў паглядзець чатыры парнаграфічныя відэаролікі і некалькі фотаздымкаў.

Потым ён прапанаваў яму “скінуць” некалькі фотаздымкаў. Той пагадзіўся. Падазраваны скінуў яму фотаздымак, на якім была гімнастка без ніжняй бялізны, і відэаролік парнаграфічнага характару.

Маладзён перадаў некалькі парнаграфічных файлаў яшчэ аднаму паўналетняму сябру. І паказаў яму відэаролік, які яны знялі са сваёй дзяўчынай.

Аднак хлопца затрымалі за тое, што ён курыў траўку. Калі міліцыянеры даставілі яго ў аддзяленне міліцыі, то на тэлефоне знайшлі шмат парнаграфічных файлаў.

Хлопец прызнаў сваю віну.

Цяпер яму пагражае ад 2 да 4 гадоў пазбаўлення волі.

Хлопец жыве ў адной з вёсак Валожыншчыны, працуе ў калгасе.

Вольга ЮРКЕВІЧ.

Фота yandex.bу

Чытайце таксама:

8.04.2013.На Маладзечаншчыне прайшлі вучэнні ў сувязі з набліжэннем паводкі (ВІДЭА)

8.04.2013.На Валожыншчыне мужчына неспадзявана застрэліў на паляванні знаёмага