На кожным радзе рэчавага рынку працуе толькі некалькі гандлёвых палатак.

– А заўтра мы ўвогуле не выйдзем на працу, – кажа жанчына, якая гандлюе сарафанамі.

Пакупнікоў тут амаль няма, толькі адзінкі. Асноўны гандаль ідзе на выхадных.

Сёння пачынаюцца праверкі тавару, і прадаўцы баяцца прадаваць несертыфікаваны тавар.

Яшчэ прадаўцы тлумачаць гэта тым, што ў рабочыя дні людзі больш ідуць на рынак райспажыўтаварыства: там прадаюць прадукты.

– Вось чалавек пайшоў на рынак за прадуктамі, а заадно і адзенне паглядзець, –  кажа прадавец рэчавага рынку.

У той час на рынку райспажыўтаварыства працуюць усе. І людзей шмат ходзіць. Некаторыя прадаюць тавар танней, бо баяцца, што ўвогуле не змогуць больш працаваць.

Рынак райспажыўтаварыства

Вольга ЮРКЕВІЧ.

Фота Вольгі ЮРКЕВІЧ.