А таксама паведаміў: тыя, хто паведамілі пра замініраванне гарадскіх школ, патрабавалі 10 тысяч долараў.

Пра гэта старшыня Маладзечанскага райвыканкама Аляксандр Яхнавец распавёў для БелТА.

БелТА удакладніла абставіны: сёння ў 11:30 у праваахоўныя органы звярнуўся дырэктар адной са школ. Ён паведаміў, што яму прыйшоў ліст, у якім на вузкай паперцы было надрукавана: “У вашай школе закладзеная бомба, яна ўзарвецца, і загінуць дзеці. На электронны кашалёк перавядзіце 10 тысяч долараў і гэта не здарыцца”. Такія самыя лісты прыйшлі яшчэ ў 10 школ горада.

“Мы адразу ж стварылі штаб, у які ўвайшлі прадстаўнікі праваахоўных органаў, МНС, Мінадукацыі, райвыканкама”, – паведаміў Аляксандр Яхнавец.  За гадзіну ўсе школы эвакуіравалі, дзяцей адправілі дадому. Усё прайшло без панікі і арганізавана.

На месцах працавалі спецпадраздзяленне “Алмаз” і групы размінірвання. Некалькі школ ужо праверылі, выбуховак не знайшлі.

“Работа працягваецца, ёсць арыенціроўкі, куды накіроўвацца следству”, – сказаў старшыня райвыканкама.

Да канца дня павінны абследваць усе школы.

“Мы звернемся да жыхароў горада, супакоім людзей, спадзяёмся, што заўтра дзеці ўжо прыйдуць у школы”, – сказаў ён.

У Маладзечне адпусцілі з заняткаў усіх школьнікаў (абнаўляецца анлайн)

Інфармацыя пра паведамленні аб замініраванні маладзечанскіх школ афіцыйна пацвердзілася