У адказ на заяву кіраўніцтва ФК “Маладзечна-2013”  аб тым, што каманда не будзе ўдзельнічаць у другой лізе чэмпіянату рэспублікі, маладзечанскія заўзятары стварылі петыцыю.

Маладзечанскі футбол у “падвешаным” стане. Што думаюць тыя, ад каго ён залежыць

У петыцыі аматары футбола звяртаюцца да старшыні Маладзечанскага райвыканкама Аляксандра Яхнаўца, старшыні Мінскага аблвыканкама Сямёна Шапіры і да старшыні Мінскай абласной федэрацыі футбола Алега Чыкуна з просьбай знайсці сродкі і даць шанец камандзе на ўдзел у сезоне 2014 года.

Прыводзім поўны тэкст петыцыі:

“Ад 1949 года каманда горада Маладзечна выступае на рэспубліканскім узроўні.

Сезон 2014 павінен стаць юбілейным, 65-ым, для нашай каманды.

Але ўзнікла вялікая праблема − з-за стварэння ў горадзе хакейнай каманды і, як вынік, недастатковага фінансавання, няма, нібыта, магчымасці ўтрымліваць футбольны клуб.

Хоць заявачны ўнёсак скараціўся ў гэтым годзе з 77 да 40 млн. бел. руб.!

Больш за тое, у гэтым сезоне чэмпіянат будзе праходзіць па занальным прынцыпе, што дазволіць скараціць выдаткі на выязныя матчы.

Маладзечна − футбольны горад, у нас ёсць свая спартыўная школа, стадыён на 4800 месцаў і велізарная аўдыторыя балельшчыкаў і людзей, якім неабыякавы лёс самага відовішчнага і масавага віду спорту.

Усіх, хто неабыякава ставіцца да гісторыі і сённяшняга дня маладзечанскага футбола, прашу падпісаць гэтую петыцыю! Часу вельмі мала”.

Падпісаць петыцыю можна ТУТ.

Нагадаем, што лёс каманды будзе вызначаны 24 сакавіка.

Кіраўніцтва футбольнага клуба “Маладзечна − 2013”: “У наступным годзе выжываць мы не будзем!” (ВІДЭА)

Спартыўны сезон 2014. Катаемся на каньках і складаем планы на футбол