Жыхар вёсцы Цна Асіпавіцкага сельсавета скаціну рыхтуе на продаж.

– Наколькі я ведаю, – расказаў спадар Леанід, – што забіваць свіней  у двары на продаж афіцыйна забаронена. Ці так гэта? І што рабіць нам, суседзям, калі кожны дзень чуем пах і віск свіней?

Адказвае галоўны ветэрынарны доктар Вілейскага раёна Іосіф Танковіч:

–  Забой скаціны ў дварах уласных дамоў на продаж забаронены, згодна з пастановай Савета Міністраў ад 25 жніўня 2013 года.

– Што датычыцца канкрэтнага падвор’я ў вёсцы Цна, – працягвае Іосіф Танковіч, – то я пра яго ведаю. Не адзін раз мы туды выязджалі. Там усё чысценька, няма ніякіх пахаў. Наколькі ведаю, гаспадар не трымае там свіней, а прывозіць з Маладзечна.

– Мяркую, што суседзі з вамі не паго­дзяцца, што там усё добра.

– Гэта іх права. Калі яны бачаць парушэнні, хай тэлефануюць мне, або ў міліцыю.

– Скажыце, а дзе ў такіх выпадках калоць свіней?

– Для гэтага ёсць санітарная бойня ў вёсцы Даўгінава. Закалоць адну свінку гаспадарам будзе каштаваць 300 тысяч рублёў плюс выдаткі на транспарт.

Як мяняліся цэны на свініну цягам пяці гадоў?

Інфаграфіка Настассі РОЎДЫ

Інфаграфіка Настассі РОЎДЫ