Такое меркаванне выказаў намеснік прэм’ер-міністра Беларусі Анатоль Тозік, знаёмячыся з арганізацыяй адукацыйнага працэсу ў СШ №40 Магілёва.

“Мы 8 гадоў навучаем дзяцей замежнай мове, але большасць з іх, як выйдзе за парог школы, не можа гаварыць на ёй нават на побытавым узроўні.

Гэта нікуды не гадзіцца. У сучасным свеце без ведання замежных моў нельга дамагчыся сур’ёзнага росту ў кар’еры.

На нашых кіраўнікоў са здзіўленнем глядзяць ў еўрапейскай супольнасці, калі яны не могуць гаварыць па-англійску падчас дзелавых перамоў

і просяць даць перакладчыка”, – выказаў шкадаванне Анатоль Тозік.

На яго думку,

методыка выкладання замежных моў у сферы сярэдняй, ды і вышэйшай, адукацыі нікуды не вартая, калі выкладчыкі не могуць навучыць сваіх вучняў гутарковай мове, не кажучы пра тонкасці граматыкі і правапісу.

“Калі гэтую праблему мы не зможам вырашыць у бліжэйшы час, трэба будзе ў сферы адукацыі прымаць кардынальныя меры па гэтым пытанні”, – паставіў задачу перад Міністэрствам адукацыі Анатоль Тозік.

Ён звярнуў увагу на неабходнасць папулярызацыі і больш шырокага выкарыстання ва ўстановах адукацыі беларускай мовы.

“Валоданне роднай мовай – паказчык нашай культуры, самаідэнтыфікацыі як нацыі. На мой погляд, усе выкладчыкі без выключэння павінны валодаць беларускай мовай, і, калі ў класе ёсць хоць бы адзін вучань, які мае зносіны на беларускай, то і педагог павінен адказваць яму на роднай мове”, –

сказаў Анатоль Тозік.

БелТА.

Зачыняюць беларускамоўную школу ў Камарове на Мядзельшчыне (+Відэа)