Рыхтуюцца даць у дамы цяпло

У міжацяпляльны сезон спецыяльныя службы выканалі работы па апрасоўцы цеплавых сетак.

– Пры дапамозе высокага ціску прадзімаюць трубы, – заўважае Аляксандр Бобрык, начальнік маладзечанскага міжраённага аддзялення “Энерганагляд”. – Калі вытрымліваюць, значыць, зімой праблем не павінна быць. Летась і пазалетась праблем з цепласеткамі ў горадзе не было.

Тэрмарэгулятары ёсць на ўсіх цеплапунктах

У многіх краінах у кватэрах ставяць тэрмарэгулятары, каб чалавек мог рэгуляваць цяпло пад сябе.

– Агульныя тэрмарэгулятары ставяць у дамах, дзе больш за 20 кватэр, – распавядае Аляксандр Бобрык. – Стаяць яны ў Маладзечне на ўсіх цеплапунктах. Пакуль неабавязкова, каб яны былі ў кожнай кватэры.

Да 1 кастрычніка ўсё павінна быць падрыхтавана да ацяпляльнага сезона.

Уключаць цяпло ў кватэрах, калі сярэдняя тэмпература будзе не вышэй за +8 цягам пяці дзён.

Наколькі падрыхтаваныя цеплавыя сеткі на 22 верасня

Наколькі падрыхтаваныя спажыўцы цеплавой энергіі на 22 верасня