Выклікалі міліцыю, службу МНС і сапёраў. “Бомбу” застаўся сцерагчы жыхар пад’езда, акцёр і рэжысёр Мінскага абласнога драматычнага тэатра Андрыян Барткевіч.

Ён і быў першым, хто заўважыў гэты прадмет.

Прыкладна ў гадзіну дня яны з жонкай вярталіся дамоў. У пад’ездзе і заўважылі металічную скрыню, але прайшлі міма. Праз хвілін дзесяць Андрыян выйшаў на лесвічную пляцоўку.

Побач з падазроным кантэйнерам стаяў яго сусед Аляксандр Маршалковіч. Ён падзяліўся сваімі назіраннямі, што скрыня з іржавага, старога металу, а накрыўка да яе прыкручаная абсалютна новенькімі, быццам толькі з крамы, балтамі.

Аляксандр Маршалковіч прыняў рашэнне выклікаць міліцыю.

Фота  Андрыяна Барткевіча

Фота Андрыяна Барткевіча

Супрацоўнікі прыехалі ў лічаныя хвіліны. Прайшліся па кватэрах пад’езда, шукалі гаспадара канструкцыі. Падазроная рэч аказалася нічыйнай. Пасля гэтага эвакуявалі жыхароў дома.

Жонка Андрыяна Барткевіча ў гэты час на кухні гатавала абед. Яна спыталася ў мужа, а што ёй рабіць?

Андрыян адказаў:

– Маліся і вары далей!

Але праз хвіліну вырашыў, што ўсё ж такі трэба ратаваць жонку.

На лавачцы ля пад’езда сабраліся жыхары дома. Час быў працоўны, таму ў пад’ездзе аказалася толькі чалавек 15.

Эвакуяваныя жыхары чакаюць ля пад'езда.

Эвакуяваныя жыхары чакаюць ля пад’езда.

Услед за міліцыяй прыехала хуткая дапамога, МНС і ваенныя. Выклікалі сапёраў з Мінска. Яны былі на месцы прыкладна а 16-й гадзіне.

У пад’езд разам з сапёрамі зайшла службовая сабака.

– Сабака панюхала і сказала, што ў скрыні нічога няма, – каментуе акцёр.

Сапёры тады без спецыяльнай тэхнікі наўпрост адкруцілі балты ў скрыні, якая аказалася звычайнай вяндлярняй.

Але гаспадар яе пакуль так і не знайшоўся.

На месца здарэння прыехалі сапёры з сабакамі.

На месца здарэння прыехалі сапёры з сабакамі.

У дзяжурнай службе МНС інфармацыю пацвердзілі.

Фота  Андрыяна Барткевіча.

Фота Андрыяна Барткевіча.

Фота  Андрыяна Барткевіча.

Фота Андрыяна Барткевіча.