Адразу ў двух вёсках Валожынскага раёна зламыснікі паквапіліся на прадукты харчавання, адзенне і старую тэхніку.

Першы выпадак здарыўся ў вёсцы Пелікшты Ракаўскага сельсавета 24 верасня.

Адбыўшы тэрмін зняволення за крадзеж з дачнага дома ­ ў канцы 2013  года ў гэтай жа вёсцы, 43-гадовы мужчына вярнуўся сюды зноў, толькі ў іншы дом.

Як і ў мінулы раз, выбіў акно сякерай, трапіў у дом. Адтуль скраў прадукты харчавання, касетны магнітафон і іконы.

Цяпер яму пагражае да чатырох год зняволення.

­17 кастрычніка падобнае здарэнне адбылося ў вёсцы Даманоўшчына. 52-гадовая жыхарка вёскі Камень адбыла 10-дзённае адміністрацыйнае пакаранне за тое, што знаходзілася ў нецвярозым стане ў грамадскім месце. І ў гэты ж дзень у вёсцы Даманоўшчына з жылога дома скрала адзенне і прадукты харчавання.

Ёй таксама пагражае тэрмін зняволення да чатырох гадоў.

Пра гэтыя здарэнні  “Рэгіянальнай газеце” паведаміла следчая Валожынскага Следчага камітэта  Дар’я Мікуліч.