“На гэтым тыдні ў Беларусь вярнулася цяпло. Па перыферыі антыцыклону, які размясціўся над Паволжам, да нас пачало паступаць цёплае паветра з Заходняй Еўропы. Тэмпературны фон павысіўся і наблізіўся да кліматычнай нормы”, – паведаміла галоўны сіноптык.

У пятніцу, 31 кастрычніка, умовы надвор’я на тэрыторыі Беларусі будзе па-ранейшаму вызначаць вобласць павышанага атмасфернага ціску, але сфарміраваная ў больш халаднаватай паветранай масе. Будзе пераважна без ападкаў. Уначы і раніцай месцамі чакаецца слабы туман. Тэмпература паветра ўначы складзе ад плюс 2 да мінус 4 градусаў, па паўднёвым усходзе месцамі тэмпература апусціцца да 6 градусаў марозу. Удзень будзе ад 3 да 9 градусаў вышэй за нуль.

Надвор’е ў суботу, 1 лістапада, будзе вызначаць вобласць павышанага атмасфернага ціску, толькі днём на паўночным захадзе краіны будзе адчувацца ўплыў малаактыўнага атмасфернага фронту, што перамяшчаецца з Польшчы. Ападкі не прагназуюцца, толькі ўдзень па паўночным захадзе краіны пройдуць кароткачасовыя дажджы. Уначы і раніцай у асобных раёнах чакаецца туман, слабы галалёд.

Тэмпература паветра ўначы складзе ад плюс 3 да мінус 3 градусаў, пры праясненнях – да мінус 5. Днём паветра прагрэецца ад 3 да 10 градусаў цяпла.

У нядзелю, 2 лістапада, на тэрыторыю Беларусі пачнуць паступаць больш цёплыя паветраныя масы з Заходняй Еўропы. Уначы і раніцай месцамі пройдуць кароткачасовыя ападкі (мокры снег, дождж), у асобных раёнах чакаецца туман, магчымы слабы галалёд. Днём будзе пераважна без ападкаў. Тэмпература паветра ўначы складзе ад 2 градусаў цяпла да 5 градусаў марозу, па ўсходзе пры праясненнях будзе да мінус 8 градусаў.

Днём тэмпература складзе ад 3 да 10 градусаў цяпла, а ў заходніх раёнах – да 13 градусаў вышэй за нуль.

У пачатку наступнага тыдня чакаецца цалкам камфортнае, у асноўным без ападкаў надвор’е, адзначыла Святлана Рыбакова. Уначы і раніцай месцамі згусціцца туман. Уначы тэмпература апусціцца да мінус 7 градусаў. Днём будзе ад 5 да 11 градусаў цяпла. Па захадзе краіны будзе цяплей: уначы – да плюс 3 градусаў, днём – да плюс 13 градусаў.

БелТА.