“Днепр” стаў адзіным транспартам для мужчыны. Матацыкл не раз дапамагаў па гаспадарцы. Франк не ездзіў на ім у далёкія падарожжы, але наматаў больш за 150 тысяч кіламетраў.

Гаспадар распавёў для Onliner.by, чаму больш чым за 40 год не адправіў матацыкл на звалку ці ў новыя рукі.

− Набываў матацыкл у 1971 годзе новым. Забіраў яго ў Маладзечне і з тых часоў не развітваўся. Быў яшчэ венгерскі Pannonia, але хутка зламаўся. Вунь, дагэтуль у гаражы стаіць. А “Днепр” аказаўся надзвычай надзейным матацыклам, − распавядае Франк.

“Днепр” К-650 знакаміты сваім 2-цыліндравым рухавіком аб’ёмам 65 кубічных сантыметраў. Ён развівае някепскія для сваіх год 32 конскія сілы пры 5200 абаротах каленчатага вала на хвіліну.  Каленвал у гэтай мадэлі замянілі літым, а ролікавыя падшыпнікі − укладышамі ад “Масквіча”. Гэта значна павысіла надзейнасць агрэгата.

У той час украінскія “Днепры” нічым не саступалі замежным канкурэнтам.

Большасць дэталяў − родныя. Фота auto.onliner.by.

Большасць дэталяў − родныя. Фота auto.onliner.by.

− Вы б бачылі, што я з гэтым матацыклам вытвараю! Ён жа адзіны транспарт у сям’і, таму ўсё, што трэба перавезці па гаспадарцы, ваджу на ім. Ён у мяне і лесавозам быў, і гной перавозіў. Сена, бульбу з поля, дошкі для будаўніцтва дома. Што заўгодна. Ёсць прычэп. Аднойчы міліцыя спыніла мяне з такім грузам. Паглядзелі, што страхоўка ёсць, тэхагляд прайшоў, усе дакументы ў парадку, і адпусцілі. Папрасілі проста акуратна ездзіці і папярэдзілі, што па правілах перавозіць такія вялікія грузы на матацыкле няможна, − узгадвае гаспадар “Дняпра”.

Франк усё жыццё рамантуе матацыкл сам. А прадаваць не збіраецца:

− Прыязджалі нават дадому, пыталіся. Але я не збіраюся аддаваць матацыцкл. Ён мяне ні разу не падвёў. Я ў ім кожны вінцік ведаю і дакладна ўпэўнены, што выпраўлю любую паломку. Ды і за колькі яго прадасі? Пару соцен долараў? І што я за іх куплю? А без матацыкла мы з жонкай цяпер нікуды. Ён аказаўся незаменным памагатым.

− Вельмі многае звязана з гэтым “Дняпром”,  − узгадвае Франк. − Па маладосці ездзілі з сябрамі з дзяўчатамі знаёміцца. Аднойчы ўшасцярых ехалі па вёсцы! Ужо свайго роду сямейная рэліквія. Унук усё пытаецца, калі я яму аддам. Ну як так матацыкл прадаваць?

Пачынаючы ад 1967 года Кіеўскі матацыклетны завод выпусціў больш за тры мільёны матацыклаў. Многія з іх ужо не на хаду, а тыя, што ездзяць, пераходзяць з адных рук у іншыя. Хаця ёсць такія энтузіясты, як Франк, якія яшчэ ў савецкія час купілі новы матацыкл і сталі яго адзіным гаспадаром.

Матацыкл праслужыў гаспадару 43 год. Фота auto.onliner.by.

Матацыкл праслужыў гаспадару 43 год. Фота auto.onliner.by.

Украінскі матацыкл не падвёў свайго гаспадара. Фота auto.onliner.by.

Украінскі матацыкл не падвёў свайго гаспадара. Фота auto.onliner.by.

Франк ездзіць па Ашмянах на сваім матацыкле. Фота auto.onliner.by.

Франк ездзіць па Ашмянах на сваім матацыкле. Фота auto.onliner.by.