Падпісаць яе можа кожны ахвотны.

Перайдзіце па спасылцы, каб выйсці на петыцыю

Тэкст звароту:

“Функцыянаванне ў адным раёне двух буйных свінакомплексаў прывядзе да забруджвання атмасфернага паветра, грунтавых водаў і глебы, нанясе непапраўны ўрон навакольнаму асяроддзю і здароўю насельніцтва.

 У разліках, прадстаўленых у ацэнцы ўздзеяння на навакольнае асяроддзе, значна заніжаны ўзровень шкоды.

Свіны гной вельмі агрэсіўны да навакольнага асяроддзя. А ў такой колькасці ён можа быць яшчэ больш небяспечны. Атручванне газамі рэгулярна фіксуецца ў супрацоўнікаў свінакомплексаў, у іх развіваюцца прафзахворванні. Жыхары прылеглых населеных пунктаў будуць пакутаваць яшчэ і ад непрыемнага паху.

 У межы базавай санітарна-ахоўнай зоны трапляюць жылыя зоны, што не адпавядае патрабаванням санітарна-эпідэміялагічнага заканадаўства Рэспублікі Беларусь.

Згодна з нормамі, свінакомплексы са сховішчамі вадкага гною павінны быць не бліжэй за2000 мад жылой забудовы. У дадзеным выпадку, у гэтым радыусе знаходзяцца дзясяткі населеных пунктаў, а таксама вадаёмы.

 У Еўропе ўжо перайшлі да практыкі будаўніцтва малых свінакомплексаў, што значна зніжае шкоднае ўздзеянне на навакольнае асяроддзе; а таксама іх размяшчэнне ўдалечыні ад населеных пунктаў уздоўж аўтамагістраляў”.

Грамадскае абмеркаванне праектаў будаўніцтва адбудзецца 1 снежня ў 18:00 у малой зале Маладзечанскага райвыканкама. 

Эколаг бачыць хібы ў праектаванні свінакомплексу ў трох кіламетрах ад Маладзечна