У цэлым па краіне чакаюцца невялікія ападкі ў выглядзе снегу і мокрага снегу. Верагоднасць гэтага 70%.

Прагназуюць, зіма будзе халаднейшая за папярэднюю

Аб гэтым паведаміў Дзмітры Рабаў, начальнік службы гідраметэаралагічных прагнозаў.

– Тэмпература паветра ў снежні будзе адпавядаць кліматычнай норме. У сярэднім будзе ад -5 да -7. Для гэтага месяца будзе характэрны няўстойлівы характар надвор’я.

У лютым тэмпература будзе ніжэйшая за кліматычную норму

Студзень будзе знаходзіцца ў межах кліматычнай нормы. У лютым ў паўднёвых раёнах сярэднямесячная тэмпература паветра будзе на 0,1-0,5 градусаў ніжэй нормы. Але анамальна нізкіх тэмператур зімой не будзе.

Кожны год тэмпература паветра апускаецца ад -20 да -30, асабліва гэта характэрна для студзеня. Магчыма, такія тэмпературы будуць і сёлета.

Аднак, сказаць, наколькі снежнай будзе зіма, спецыялісты не могуць.