Прайшло яно 26 красавіка ў Слоніме. “Смаргонь” у чэмпіянаце Беларусі па футболе ў першай лізе сустракалася з мясцовым клубам.

Матч завяршыўся  унічыю 1:1.

– Гэта была гульня нявыкарыстаных магчымасцяў, – так ацаніў матч прэс-аташэ “Смаргоні” Уладзімір Амбрасевіч.

У першым тайме была вострая гульня. Каманды стварылі шмат небяспечных момантаў. 

Вывеў смаргонцаў наперад на 33-й хвіліне Аляксандр Талканіца, якога абаронцы гаспадароў пакінулі без нагляду ў сваёй штрафной. Пас яму аддаў Уладзімір Казко.

Але праз чатыры хвіліны гаспадары аднавілі раўнавагу ў матчы. Неўзабаве гледачы маглі пабачыць яшчэ два галы: па адным ў вароты кожнай каманды. Але арбітр не залічыў ніводзін з-за афсайдаў.

Пад канец матчу гаспадары “падселі” фізічна, смаргонцы маглі даціснуць саперніка. Стварылі тры-чатыры небяспечныя моманты, але рэалізаваць іх не здолелі.

– У выніку хутчэй страцілі два ачкі, чым зарабілі адно, – робіць выснову Уладзімір Амбрасевіч. – Вельмі надзейна правёў матч дасведчаны варатар “Слоніма” Арцём Гамялько. Дзякуючы яму гаспадары не прапусцілі больш.

Відэагляд матчу з афицыйнага сайта ФК “Слонім”