22 красавіка ў адносінах да грамадзяніна Расіі ўзбудзілі крымінальную справу за парушэнне правілаў знаходжання ў Беларусі.

Летась мужчыну высылалі з краіны, забаранілі ўязджаць сюды да кастрычніка 2015 года. Аднак з красавіка ён незаконна знаходзіўся на тэрыторыі Беларусі.

Таксама ў адносінах да мужчыны ўзбудзілі крымінальную справу за хуліганства. Мужчына дэманстраваў палавыя органы грамадзяніну Беларусі.

Грамадзяніна Расіі затрымалі.

За што могуць выслаць іншаземца

Згодна з заканадаўствам Беларусі, іншаземца могуць выслаць з краіны ў інтарэсах яе бяспекі, грамадскага парадку, абароны маральнасці, здароўя насельніцтва, правоў і свабод грамадзян Беларусі і іншых асоб. Рашэнне аб высылцы прымае орган унутраных спраў ці орган дзяржаўнай бяспекі.

Іншаземца ўключаюць у спіс асоб, уезд якіх забаронены ў краіну ці непажаданы. Забарона можа дзейнічаць ад года да дзесяці гадоў.

Калі забарона на ўезд у краіну парушаная, то пагражае крымінальная адказнасць. Гэта можа быць арышт ці пазбаўленне волі да трох гадоў.

На Вілейшчыне зменшылася колькасць крымінальных спраў за незаконны абарот наркотыкаў