У мядзельскім музеі Народнай славы 15 верасня адкрылася выстава фотамастака з Паставаў Васіля Белякова.

Называецца яна “Без прыкрас цэрквы і касцёлы Беларусі”.

 На выставе прадстаўлена больш за 80 прац з выявамі храмаў, паведаміла навуковы супрацоўнік музея Валянціна Карзяёнак.

На дзевяці працах – храмы Мядзельшчыны. Шмат на выставе касцёлаў і цэркваў з Віцебшчыны. Ёсць з Астравецкага і іншых раёнаў. 

Гэта не першая выстава Васіля Белякова ў мядзельскім музеі.  У 2013 годзе паказвалі яго выставу “Дарогамі залатой восені”.