Гульні 21 тура чэмпіянату Мінскай вобласці на футболе каманды з рэгіёна правялі дома.

“Вілія” 27 верасня сустракалася з “Капылём” і перамагла 2:0.

Мы выглядалі лепш, добрыя атакі праводзілі, – расказвае прадстаўнік “Віліі” Алег Гулевіч. – Першы гол прыгожа забіў Аляксандр Грыхуцік: прыняў мяч і злёту прабіў. А ў канцы першага тайма вызначыўся Віктар Сяліцкі.

У другім тайме галоў гледачы не пабачылі, хоць моманты ў віляйчан былі.

– Хацеў бы падзякаваць заўзятарам “Віліі”: актыўна прыходзяць на матчы, падтрымліваюць. Гэта сапраўдны наш “12 гулец”, – кажа Алег Гулевіч.

“ДЮСШ-4” з Маладзечна не пакінула шанцаў “Крупкам-ДРБУ-164” – 10:2. Адрыў маладзечанцаў ад лідара, “Коласа”, скараціўся да двух ачкоў.

А “Забудова-Буд” свой матч 21 тура правяла яшчэ 19 верасня. У ім буйна саступіла “Старым Дарогам” 2:7.