Ні сайты СМІ, ні суполкі ў сацыяльных сетках, ні проста карыстальнікі інтэрнэта не абмінулі сваёй увагай гэтую навіну.

“Рэгіянальная газета” сабрала падборку загалоўкаў, каментароў і нечаканых высноў, якія зрабілі карыстальнікі сеціва з гэтай нагоды.

Некаторыя СМІ былі нешматслоўнымі і абмежаваліся навіной пра тое, што дэнамінацыя адбудзецца.

Так напісаў TUT.by і газета “Звязда”.

Большасць СМІ вынеслі ў загаловак, што ў Беларусі пасля дэнамінацыі з’явяцца капейкі. Пра гэта пішуць “Еўрарадыё”, “Наша ніва”, “Радыё Свабода”, “БелСат”.

Некаторыя СМІ падлічылі, колькі прыбяруць нулёў, і вынеслі ў загаловак тое, што на іх сайце можна пабачыць, як будуць выглядаць новыя грошы. Так зрабіў “Анлайнер” і “Навіны by”.

“Комсомольская правда в Беларуси” накіравала сваіх чытачоў у  мінулае амаль 20-гадовай даўніны.

Гарадзенскі сайт “Твой стыль” не проста напісаў пра тое, што знікнуць чатыры нулі, што з’явяцца манеты, а параўнаў новыя грошы з еўра і злотымі.

А праз некалькі хвілін пільныя журналісты “Твайго стылю” ўбачылі, што новыя грошы выпушчаныя з памылкай. І запосціў навіну і пра гэта.

А “Рэгіянальная газета” зрабіла выснову, што міліянерамі беларусы быць перастануць.

Не абмінулі ўвагай гэтую падзею і шматлікія суполкі ў сацыяльных сетках. Самую цікавую выснову робіць суполка ў Кантакце “Это Минск, детка!”.

Сваё стаўленне да новых грошай выказваюць і карыстальнікі сеткі “Фэйсбук” на сваіх старонках. Самымі цікавымі каментарамі нам падаліся наступныя:

Zmicier

Гэта той выпадак, калі вось проста facepalm. Рублі, манеткі з капустай, чупа-чупс як верх айчыннай архітэктуры… І маляваў, як я разумею, старэйшы памочнік першага намесніка малодшага загадчыка ў праграме Paint у непрацоўны час.

Ягор

Беларусь урачыста пазбаўляецца статуса апошняй краіны Еўропы, якая не выкарыстоўвае манеты.
А пацанам з раёна цяпер стане зразумелы жарт з расійскіх серыялаў: “Э, малы, папрыгай давай!”

Кася

Ад 1 ліпеня 2016 года беларусы больш не змогуць пахваліцца тым, што ў іх краіне кожны – мільянер. Правядуць дэнамінацыю.
P.S. разумею, што новыя грошы былі надрукаваныя яшчэ ў 2009 годзе, да зменаў у беларускім правапісе… але хіба трэба было падумаць, ці варта змяняць “пяцьдзЕсят” на “пяцьдзЯсят” у такім выпадку? Грошы новыя, а ўжо з арфаграфічнаю памылкаю.

Кірыла

Як калісьці заўважыў Andrew Strizhak, беларуса можна пазнаць ў любым пункце планеты па адсутнасці маторыкі пры звароце з манетамі. Так.
Яшчэ трохі, яшчэ ледзь-ледзь і яшчэ адна рыса нацыянальнай ідэнтычнасці будзе страчаная.
Мая плакаць.

Aksana

А мне новыя грошы падабаюцца. Як еўра! І манеты (якія я страшна не люблю) адкрываюць шмат магчымасцяў. Можна купляць што-небудзь у аўтаматах, кідаць манетку ў месцы, куды хочацца вярнуцца … Яшчэ можна сціраць латарэйкі, вырабляць усялякія фокусы … ну і, нарэшце, можна будзе адмовіцца ад кашалька: жалеза змесціцца ў кішэні, а папяровыя грошы няма чаго цягаць, даўно пара карткай разлічвацца.

Абвешчаная дэнамінацыя: беларусы перастануць быць мільянерамі


Спонсар рубрыкі “ГРАМАДСТВА” – вытворца сувеніраў з фотаздымкам прыватны прадпрымальнік Віталь Пагуда.

Хочаце бачыць блізкіх людзей нават, калі вы не разам. Выдатнае рашэнне – кубачак з фотаздымкам вашых блізкіх. Ён не кідаецца у вочы, як фотарамка. Таму вашых блізкіх не будуць разглядаць калегі альбо незнаёмыя людзі.  А вы будзеце заўсёды адчуваць падтрымку родных вачэй і мілы позірк.

Таксама вы можаце замовіць фота на талерку, майку, бірульку і многае іншае. Гэта выдатны і нечаканы падарунак на любую ўрачыстасць!

Сувеніры з фотаздымкам – мы здольныя спыніць шчаслівыя імгненні.

Кантактныя тэлефоны: (8029) 169-17-68, (8033) 313-89-64.

ІП Пагуда В.Д. УНП 691503039