“Інспекцыя рыбаперапрацоўчых прадпрыемстваў Беларусі была вельмі актуальная ў сувязі з неаднаразовымі выяўленнямі парушэнняў пры пастаўках імі рыбнай прадукцыі ў Расію, – адзначаецца ў паведамленні (тут і далей цытаты дадзены ў арыгінале). – Выяўлялася ў тым ліку выкарыстанне для вытворчасці пастаўляемай у Расію прадукцыі сыравіны прадпрыемстваў трэціх краін, у прыватнасці Латвіі і Эстоніі, у дачыненні да якіх з чацвёртага чэрвеня гэтага года дзейнічаюць часовыя абмежаванні, уведзеныя Рассельгаснаглядам у сувязі з нездавальняючымі вынікамі інспекцыі латвійскіх і эстонскіх рыбаперапрацоўчых прадпрыемстваў”.

Рашэнне аб неабходнасці інспектавання беларускіх малакаперапрацоўчых прадпрыемстваў было абгрунтавана “бескантрольным выкарыстаннем у Беларусі забароненых да прымянення ў жывёлагадоўлі прэпаратаў, у тым ліку метранідазолу”.

Пры даследаванні беларускай малочнай прадукцыі, што паступае ў Расію, Рассельгаснагляд неаднаразова выяўляў “рэшткавыя колькасці ветэрынарных прэпаратаў, не дазволеных для прымянення, або якія перавышаюць устаноўленыя заканадаўствам ЕАЭС гранічна дапушчальныя іх узроўні”.

Інспекцыя “пацвердзіла незаконнае выкарыстанне беларускімі вытворцамі сыравіны з закрытых Рассельгаснаглядам прадпрыемстваў трэціх краін. Пры гэтым беларускімі кампетэнтнымі органамі фактычна не забяспечваўся належны дзяржаўны лабараторны кантроль за сыравінай і вырабляемай з яе прадукцыі”.

“Гэта з’яўляецца крытычным, бо нормы бяспекі харчовай прадукцыі ў ЕАЭС забяспечваюць больш высокі ўзровень бяспекі, чым у многіх краінах”, – падкрэсліваецца ў паведамленні.

Па выніках інспекцыі таксама “пацверджаны факты выкарыстання забароненых да прымянення ў жывёлагадоўлі на тэрыторыі краіны ветэрынарных прэпаратаў”. Расследаванні па фактах прымянення такіх прэпаратаў “належным чынам не праводзіліся, у сувязі з чым дапускаўся выпуск у свабодную рэалізацыю небяспечнай у ветэрынарна-санітарных адносінах харчовай прадукцыі”.

Устаноўлена таксама, што на асобных праінспектаваных прадпрыемствах прымяняюцца “недакладныя метады ацэнкі ўтрымання рэшткавых колькасцей лекавых сродкаў”.

Выяўлены “выпадкі падроблівання ветэрынарна-санітарных дакументаў, а таксама сур’ёзныя парушэнні прынцыпу назірання” – колькасць “абязлічанай сыравіны і прадукцыі”, якія захоўваюцца на асобных прадпрыемствах, “даходзіла да 30 тон”.

Па выніках інфармацыі, атрыманай у ходзе інспекцыі, Рассельгасагляд “праінфармаваў ветэрынарную службу Беларусі аб неабходнасці ўвесці часовыя абмежаванні на пастаўкі прадукцыі 13 з 15 праінспектаваных прадпрыемстваў: 8 рыбаперапрацоўчых прадпрыемстваў і 5 па вытворчасці гатовай малочнай прадукцыі”.

“У адрас ветэрынарнай службы Беларусі накіравана папярэдняя справаздача аб выніках інспекцыі. Многіх праблем можна было пазбегнуць пры выкарыстанні кампетэнтнымі органамі Беларусі электронных сістэм, якія забяспечваюць назіранне (Аргус, Меркурый), якія актыўна выкарыстоўваюцца на тэрыторыі Расіі. У гэтай сувязі Рассельгаснагляд звярнуў увагу беларускага боку на мэтазгоднасць пачатку поўнамаштабнага выкарыстання сістэмы Меркурый яшчэ да канца 2015 года”, – адзначаецца ў рэлізе.

Дзмітрый УЛАСАЎ, БелаПАН.

Аператары “МТС” і velcom абвясцілі павышэнне кошту шэрагу сваіх паслуг і тарыфаў

У лістападзе 13 прадпрыемстваў рэгіёна не выплацілі своечасова заробкі (Спіс). Месяц таму выплацілі ўсе

На маладзечанскім рынку дваранін прадае метал, франтавічка – шкарпэткі. Жыццёвыя гісторыі гандляроў (Шмат фота)

Дэпрэсіўная беларуская вёска. Маладзечаншчына. Як жывуць сем’і, якія знаходзяцца ў сацыяльна-небяспечным становішчы (Фотарэпартаж)


Спонсар рубрыкі “ЭКАНОМІКА” – “TIR Шынамантаж” Дзмітрыя Губара па Гарадоцкай, 102.

На падрыхтоўку машыны да зімы ідзе ледзьве не ўвесь заробак. Пара заканчваць з вялікімі затратамі. У шынамантажы Дзмітрыя Губара дапамогуць зэканоміць.

Пры замене чатырох кол на зімовую гуму, чацвертае – бясплатна. Акцыя дзейнічае да 31 лістапада.

Таксама вы можаце паспрабаваць новы від балансіроўкі – грануламі. Яна змяншае знос гумы, павышае ўстойлівасць машыны на дарозе, ліквідуе вібрацыю кола і падвескі.

Шынамантаж па Гарадоцкай, 102 – і машына ў парадку, і грошы засталіся.

Кантактныя тэлефоны: (8029) 102-91-02, (8029) 551-25-51.

Сайт: Shin-ok.by.

ІП Губар Д.В. УНП 690462002