Дабрачынны канцэрт “Проста падары” адбыўся ў запоўненай зале 3 снежня ў раённым Цэнтры культуры.

Яго арганізавалі вядоўца і спявак Дзмітры Рудык і фатограф Вольга Жарская.

Сродкі, якія атрымкалі ад продажу білетаў, перадалі Цэнтру карэкцыйна-развіваючага навучання і рэабілітацыі ў Маладзечне.

1. Дачка Маша

Канцэрт прайшоў у вельмі цёплай і нават дамашняй атмасферы. Падчас адной з песень у групе танцавальнага калетыва “Капрыз” Маладзечанскай гімназіі-каледжа выступіла дачка Дзмітрыя Маша

2. Мама Марыя Іванаўна

Адну з песень спявак прысвяціў маме Марыі Іванаўне, якая паходзіць з Украіны. Жанчына выканала некалькі песень на ўкраінскай мове.

Злева Марыя Іванаўна Рудык.

Злева Марыя Іванаўна Рудык.

3. Вядучыя з Вілейкі

Нашым чытачам многія выступоўцы добра знаёмыя. Вядучымі запрасілі дырэктара Вілейскага краязнаўчага музея Сяргея Ганчара, дырэктара Вілейскага Палаца культуры Алесю Высоцкую і сакратара Вілейскага тэрытарыяльнага медыцынскага аб’яднання Ганну Раенку.

4. Яскравы танец

Многія песні выконваў сам Дзмітры Рудык. Запальваючы нумар паказаў шоу-балет “Дзіва”.

5. Гарманіст-віртуоз

Віртуозную ігру на гармоніку прадэманстраваў музыкант з Вілейкі Барыс Харэвіч.

6. Уладальнік гран-пры “Адной зямлі”

Выступіў Казімір Талстыка з Вілейкі – уладальнік гран-пры песеннага фестывалю “Адна зямля” ў 2002 годзе, суарганізатарам якога з’яўляецца “Рэгіянальная газета”.

7. Ансамбль са спяваючым міліцыянерам

Алеся Высоцкая спявала дуэтам з Дзмітрыем Рудыкам, а пасля ў складзе ансамбля “Велея казацкая”. У складзе ансамбля спяваў начальнік міліцыі грамадскай бяспекі Вілейскага РАУС Андрэй Дударчык.

8. “РГ” таксама змагла падарыць

Падчас канцэрта разыгрывалі прызы. Адзін з іх, том “Краіна Беларусь” ад “Рэгіянальнай газеты”, выйграў глядач Веніямін.

Дабрачынны канцэрт набыў шмат спонсараў. Ідэю адразу ж падтрымаў райвыканкам і Цэнтр культуры.

Дыскусіі вакол Нобеля: журналістыка або літаратура, ці трэба вывучаць Алексіевіч у школе і што значыць прэмія для Беларусі

“Мне 21 год. І ў мяне 51-ы памер нагі”. Малады чалавек з Валожына просіць дапамагчы яму знайсці абутак

У жылым доме па Лібава-Роменскай быў падземны ход

Што даў гімназіі №10 у Маладзечне год супрацы ў праекце “Школы: партнёры будучыні”

Беларускія гульні, беларускі фальклор і беларуская мова: дзеці з Маладзечна прадстаўляюць (Фотарэпартаж)