Конкурс правядуць у раённым Цэнтры культуры (былы Дом культуры чыгуначнікаў) 1 сакавіка, у першы дзень вясны. 

Арганізатары запрашаюць да ўдзелу жанчын Маладзечанскага раёна 25-40 гадоў. Абавязковая ўмова: жанчына мусіць быць замужам і мець дзяцей.

Ужо вядома, што ў праграме абавязкова будзе некалькі дэфіле і выхад з дзецьмі. Удзельніцам трэба будзе падрыхтаваць візітоўку з прэзентацыяй сям’і.

– Праводзіць конкурсы для маладых дзяўчат ужо звыклая справа, у адрозненне ад конкурсу для замужніх паспяховых жанчын, якія гадуюць дзіця, – кажа намеснік дырэктара па творчай працы Маргарыта Шытыка. – Тым не менш, такіх жанчын у нашым горадзе вельмі шмат. Яны ўжо чагосьці дасягнулі, ім ёсць чым ганарыцца. Магчыма, гэта выклікае яшчэ большы ажыятаж. Разлічваем, што будзе яскравае шоу з яркімі эмоцыямі. Усе канкурсанткі абавязкова атрымаюць падарункі.

Ужо падалі заявы на ўдзел чатыры жанчыны.

Вызначаць найлепшую канкурсантку будуць мужчыны.

Летась раённы Цэнтр культуры здзіўляў жыхароў Маладзечаншчыны конкурсам на Містэра Маладзечна.

– Тады атрымалася шыкоўнае свята. Дагэтуль удзельнікі дапамагаюць у правядзенні розных нашых імпрэз, – узгадвае Маргарыта Шытыка. – Увесь час імкнёмся прыдумляць штосьці новае. Такога конкурсу для жанчын у Маладзечне яшчэ не было.

Заявы ад ахвотных пазмагацца за званне “Місіс Маладзечна-2016” прымаюць да 15 лютага па нумарах: 77-01-11 ці 8 (029) 161-00-10.

“Мяне гнала па лёдзе цэлы кіламетр”. Маладзечанскі рыбак просіць дапамагчы знайсці палатку

Фармацэўт з Мала­дзечна Віктар Дубік: “Купляць падарункі ў аптэцы – гэта нармальна”

Адпачываем на выхадных. Кіно: прыходзяць часы, якія правяраюць нас на трываласць