Ужо ў лютым мала­дзечанцы змогуць пабачыць спектаклі народнага тэатра “Метамарфозы”, спектакль Маскоўскага тэатра,  выставу  іканапісу Ядвігі Сянько, канцэрт гімназіі-каледжа мастацтваў.

У сакавіку ўпершыню пройдзе фестываль бардаўскай песні. Таксама ўпершыню адбудзецца турнір па спартыўных бальных танцах. А яшчэ ў першы вясновы месяц распачнецца фэст бульбы “Бульба сёння, бульба заў­тра”.  На лета запланаванае свята мікрараёнаў горада.

Моладзь парадуюць канцэрты Дзмітрыя Калдуна, гурта “Аёва”, Наргіз, дыскатэка, якую ў чэрвені правядуць самыя вядомыя ды-джэі краіны. У чэрвені  адбу­дзецца рок-канцэрт  з удзе­лам рок-выканаўцаў і рок-гуртоў “Нейра Дзюбель”, Akute, J: Морс, NRM, “Крама” і іншых.

Для аматараў шансону ў Маладзечне пройдзе фестываль “Залаты шансон”  з удзелам Міхаіла Шуфуцінскага, Жэкі, Кацярыны Галіцынай і іншых выканаўцаў.

У ліпені затанцуюць усе маладзечанцы ў флэшмобе “Горад, які танцуе”.

Акрамя гэтага, гастролі тэатраў Беларусі і Расіі, тэлевізійныя праекты, конкурсы, выставы.