Першы міжнародны конкурс-фестываль мастацтваў “Музыкі святло” прайшоў у Мінску 12-13 сакавіка.

Было больш за 300 удзельнікаў. Яны дэманстравалі свае таленты ў спевах, харэаграфіі, мастацкім чытанні, інструментальным выканальніцтве.

У намінацыі “саліст-вакаліст” сярод удзельнікаў 14-15 год лаўрэатам першай ступені стала прадстаўніца Вілейскай дзіцячай школы мастацтваў Ірына Храмцова. Выконвала яна на конкурсе кампазіцыю “Fallin”  Алішы Кіз.

Ірына Храмцова разам з педагогам па эстрадным вакале і  мастацкім кіраўніком Эстраднай школы талентаў Нэлі Дукавай.  Фота Алега Зайцава.

Ірына Храмцова разам з педагогам па эстрадным вакале і мастацкім кіраўніком Эстраднай школы талентаў Нэлі Дукавай. Фота Алега Зайцава.

Такую ж узнагароду атрымалі ўдзельнікі ўзорнай эстраднай студыі «Экспромт” Вілейскага Палаца культуры ў намінацыі “Ансамблі”.  Поспех ім прынесла песня “Паравозік-воблачка”.

Удзельнікі ўзорнай эстраднай студыі Экспромт Вілейскага Палаца культуры. Фота Алега Зайцава.

Удзельнікі ўзорнай эстраднай студыі Экспромт Вілейскага Палаца культуры. Фота Алега Зайцава.

Дыпломамі адзначылі іх настаўнікаў: Нэлу і Алега Зайцавых.