Ад 17 сакавіка да 10 красавіка мясцовыя жыхары выбіраюць птушку раёна!

17 сакавіка на сайце АПБ пачалося онлайн-галасаванне, падчас якога абяруць прыродны сімвал Валожынскага раёна.

Крылатых кандыдатаў пяць: звычайны зімародак, чорны бусел, пугач, малы падворлік і глушэц. Усе, акрамя, глушца, занесеныя ў Чырвоную кнігу Беларусі.

Ініцыятыву праводзіць грамадская арганізацыя “Ахова птушак Бацькаўшчыны” сумесна з Валожынскім выканкамам і мясцовымі актывістамі.

Падрабязней пра птушак-кандыдатаў можна прачытаць на сайце6 арганізатараў ptushki.org. Там жа ідзе галасаванне, якое вызначыць пераможцу.

На сёння лідзіруе зімародак.

Прапануем прагаласаваць і на нашым сайце, каб праверыць, ці супадзе версія чытачоў “РГ” з іншымі выбаршчыкамі.