Цыклон са Скандынаўскага паўвострава прынясе ў краіну ў першай палове тыдня прахалодныя і вільготныя паветраныя масы з поўначы Еўропы. Пра гэта распавёў начальнік службы гідраметэаралагічных прагнозаў Рэспубліканскага гідраметцэнтра Дзмітры Рабаў.

У аўторак, 19 красавіка, ноччу будзе пераважна без ападкаў, днём на большай частцы тэрыторыі кароткачасовыя дажджы, у асобных раёнах магчымы навальніцы.

У сераду ноччу месцамі, днём на большай частцы тэрыторыі кароткачасовыя ападкі (дождж, мокры снег). Раніцай і днём месцамі ўзмацненне ветру парывамі да 15-20 м/с.

У чацвер, 21 красавіка, ноччу месцамі, днём пераважна па ўсходняй палове дождж, мокры снег. Ноччу месцамі, днём на большай частцы тэрыторыі ўзмацненне ветру парывамі да 15-20 м/с.

У пятніцу праз краіну будзе праходзіць чарговы атмасферны фронт з Балтыйскага мора і прынясе ноччу месцамі, днём на большую частку тэрыторыі кароткачасовыя дажджы, па паўночным усходзе з мокрым снегам.

У выхадныя характар надвор’я істотна не зменіцца.

Дзень

Тэмпература паветра днём

Тэмпература паветра ноччу

19 красавіка

ад +9 да +15

ад +1 да +7, пры праясненнях ад 0 да -2

20 красавіка

ад +4 па поўначы да +11 па паўднёвым усходзе

ад +1 да +6, пры праясненнях ад 0 да -2

21 красавіка

ад +4 да +11

ад -3 да +3

22 красавіка

ад +6 да +13, па поўдні да +15

ад -3 да +4

Цікавыя факты пра надвор’е ў рэгіёне

Самым халодным днём за гісторыю метэаназіранняў у рэгіёне было 23 красавіка 1981 года ў Валожыне. Слупок тэрмометра апусціўся да -9,6. У Ашмянах у гэты дзень было -8,8.

Самым цёплым днём было 23 красавіка 1950 года ў Вілейцы, паветра прагрэлася да +28,3. У Валожыне ў гэты дзень было +27.

“Наша Ніва” паводле .