У першы тыдзень мая будзе цёпла, але дажджліва

Пра гэта распавёў начальнік службы гідраметэаралагічных прагнозаў Рэспубліканскага гідраметцэнтра Дзмітры Рабаў.

У аўторак, 3 мая, ноччу месцамі, днём пераважна па паўночна-заходняй палове Беларусі пройдуць кароткачасовыя дажджы, у асобных раёнах – навальніцы. Ноччу і раніцай месцамі туман.

У сераду, 4 мая, месцамі чакаюцца кароткачасовыя дажджы, навальніцы. Ноччу і раніцай у асобных раёнах туман.

У чацвер, 5 мая, у асобных раёнах пройдуць кароткачасовыя дажджы, навальніцы.

У пятніцу, 6 мая, у асобных раёнах прагназуюцца кароткачасовыя дажджы, магчымы навальніцы.

У выходныя дні, з 7 па 10 мая, уладу над надвор’ем возьме антыцыклон, які прынясе цёплае і камфортнае надвор’е: на большай частцы краіны пераважна без ападкаў, толькі па поўдні кароткачасовыя дажджы, магчымы навальніцы.

У цэлым май, парадуе цёплым і камфортным надвор’ем: сярэдняя месячная тэмпература паветра чакаецца на 1 градус вышэй за кліматычную норму (норма +12, +14), што на 6-8 градусаў вышэй, чым у красавіку.

“Наша Ніва” паводле news.tut.by.