Форум “Час жыць” пачаўся 13 мая ў Палацы культуры. Каторы год у Маладзечне праводзіцца гэтае мерапрыемства, і кожны раз яно збірае шмат прыхільнікаў.

Форум пачаўся з прагляду арыгінальнай інсталяцыі “Чалавек: вымярэнні жыцця”. Чалавечыя фігуры, зробленыя з дапамогай розных матэрыялаў, стаялі ўсюды. Гледачоў групамі вадзілі па паверхах ды расказвалі пра кожнае з іх. Усяго былі прадстаўленыя чатыры вымярэнні.

Фізічнае адлюстроўвае прыродны і матэрыяльны свет, які ствараюць людзі. А таксама чалавечае цела і адносіны да яго, здароўе.

У сацыяльным вымярэнні паказаныя ўзаемаадносіны паміж людзьмі. Насупраць абрысаў ў выглядзе сям’і знаходзіліся фігуры, ў якіх замест галоў была тэхніка. Як распавяла валанцёр, ўсялякія гаджэты моцна ўплываюць на сацыяльныя адносіны, бо перацягваюць увагу на сябе.

Вымярэнне духоўнае – гэта нашы прынцыпы, жаданні і вера, карацей, тое, чым жывуць людзі. І мы можам самі насычаць свет, чым жадаем.

Асабістае адлюстроўвала ўнутраны свет чалавека, яго адносіны да сябе, пазнанне і пераўтварэнне сябе. Гледачы маглі пабачыць каменную сцяну з пустой прасторай ў выглядзе чалавека пасярэдзіне. Праз яе можна было прайсці, каб забыцца пра праблемы. Бо чалавек сам вольны абіраць свой шлях.

Таксама наведвальнікі маглі заўважыць шклянку з рознакаляровымі лісткамі, якія былі звёрнутыя, быццам світкі. Да прыкладу, у маім апынулася цытата Гётэ “Адметная ўласцівасць чалавека – жаданне абавязкова ўсё пачынаць спачатку”.

– Ідзеш па Палацы культуры, здавалася б, чым чалавека можна здзівіць? Але гэта ўдалося, – ацаніла начальнік аддзела па ідэалогіі і культуры па справах моладдзі Маладзечанскага райвыканкама Алеся Лукоўская.

Валанцёр Ангеліна Чурыніна.

Валанцёр Ангеліна Чурыніна.

Дырэктар Палаца культуры Святлана Сарока.

Дырэктар Палаца культуры Святлана Сарока.

Арганізатар фестывалю Марына Валасковіч.

Арганізатар фестывалю Марына Валасковіч.

Група студэнтаў універсітэта культуры і мастацтва.

Група студэнтаў універсітэта культуры і мастацтва.

Паэтэса Ніна Лістота.

Паэтэса Ніна Лістота.