Тыдзень будзе халаднаватым і дажджлівым, злёгку пацяплее толькі ў другой яго палове (+цікавыя факты пра надвор’е ў рэгіёне)

Першую частку тыдня надвор’е будзе фаріраваць халоднае і вільготнае паветра з паўночнага захаду Еўропы. Сярэдняя тэмпература прагназуецца на 1-3 градусы ніжэй за норму.

У аўторак і сераду, 17 і 18 мая, ноччу па паўднёвым усходзе, днём на большай частцы тэрыторыі кароткачасовыя дажджы. Удзень месцамі навальніцы. Ноччу і раніцай у асобных раёнах слабы туман.

У другой частцы тыдня ў краіну накіруецца больш цёплае паветра з Атлантыкі.

У чацвер, 19 мая, месцамі кароткачасовыя дажджы, днём магчымы навальніцы. Ноччу і раніцай у асобных раёнах туман.

У пятніцу месцамі кароткачасовыя дажджы, днём магчымы навальніцы.

У выходныя чакаецца ўмерана-цёплае, з кароткачасовымі дажджамі надвор’е.

Цікавыя факты пра надвор’е ў рэгіёне

Самым халодным днём у рэгіёне было 22 мая 1980 года. У Ашмянах слупок тэрмометра апусціўся да -3, у Валожыне было -1,3.

А вось самым халодным днём у Вілейцы было 22 мая 1970 года – -3,1.

Самым спякотным днём было 18 мая 1975 года ў Вілейцы, паветра прагрэлася да +30,9. У Ашмянах самым гарачым днём было 22 мая 2007 года, на слупках было +29,9, у Валожыне ў гэты дзень было +29.

Паводле “Нашай Нівы”.