У рамках фестывалю творчых моладзевых ініцыятыў “Час жыць” 14 мая прайшоў рок-блок, які меў форму конкурсу.

Гурт “Element” выступаў першым і іграў толькі інструментальную музыку. Яго ўдзельнікі – жыхары Вілейкі і Маладзечна. Група ўзяла трэцяе месца.

На другім апынуўся гурт “Post feed”. Ён стварыўся з некалькіх музычных калектываў. Сярод публікі было шмат фанатаў групы.

Ганаровае першае месца журы аддало калектыву “Планета ўсіх”. Група пачала існаваць у 2010 годзе. Яе ўдзельнікі прыехалі з Вілейкі. Хлопцы спяваюць ў розных стылях: ад рэгі да рок-н-ролу.

Сярод іх музычных інструментаў прысутнічаюць старадаўняя дарбука – невялікі барабан, дуда, а таксама джэмбе. Гэта барабан у форме кубка, на якім іграюць рукамі. Група выканала некалькі песень, сярод якіх “У рай”, “Трактара – reggae”, “Адлік (18.20)”.

Гурт Between Songs.

Гурт Between Songs.

Гурт Element.

Гурт Element.

– Адбор праводзіўся па многіх крытэрах. Што тычыцца мяне, я глядзеў на якасць выканання песень, на тое, як музыканты падаюць сябе. Яшчэ на рэакцыю публікі, – распавёў музыкант Аркадзь Казырскі, які ўваходзіў у склад журы.

На сцэне можна было пабачыць музычны калектыў “ThanksForMeds”, які прадставіў прэм’еру новай песні “Я фрык”, а таксама групу “Between Songs”.

Пра тое, што значыць фестываль “Час жыць”, распавяла карэспандэнту “РГ” віяланчэлістка “Element” Вольга Уліцкая:

– Я з юнацтва чакала падобнага, бо ў правінцыі мала месцаў для цікавага і карыснага баўлення часу. Прытым не ў зануднай форме, а ў творчай. Для мяне асабіста важна мець зносіны з людзьмі, у якіх можна чамусьці навучыцца. Фестываль – магчымасць “сябе паказаць ды на іншых паглядзець”. Паказаць людзям, у што можна сублімаваць свае эмоцыі, куды з задавальненнем выдаткаваць час і сілы замест ўжывання алкаголю, наркотыкаў і цыгарэт. Пераканаць дзяцей і моладзь займацца цікавымі рэчамі, адцягнуць увагу людзей ад бескарыснага сядзення ў інтэрнэце. Бо многія сайты раскладаюць маральнасць, а гульні могуць перайсці ў залежнасць. Фестываль дапамагае  развіваць у сабе таленты, пра якія шмат людзей нават не здагадваецца.

Гурт Element.

Гурт Element.

Гурт Element.

Гурт Element.

Гурт Post Feed.

Гурт Post Feed.

Гурт Планета ўсіх.

Гурт Планета ўсіх.

Гурт Планета ўсіх.

Гурт Планета ўсіх.