Астравец застаецца ў топе раёнаў з найвышэйшымі заробкамі ў краіне

У топ раёнаў з самым высокім заробкам трапіў Астравецкі. Там у сярэднім плацяць амаль 675 рублёў.

Салігорскі раён па заробках абышоў нават Мінск

Самым “багатым” рэгіёнам па традыцыі стаў Салігорскі раён, які абышоў па дадзеным паказчыку нават Мінск. Нядрэнныя заробкі былі ў Дзяржынскім і Мінскім раёнах – прыкладна па 800 і 900 рублёў.

Таксама выгадна жыць у Рэчыцы, Смалявічах і Мазыр.

Дарэчы, калі ўлічыць статыстыку па абласных цэнтрах і гарадах абласнога падпарадкавання, то высокія зарплаты таксама былі ў Наваполацку, Жодзіне, Гродне, Брэсце і Гомелі. Там у чэрвені людзі атрымлівалі ад 700 да 800 з лішнім рублёў.

Дзясятку раёнаў з нізкім заробкам узначальвае Лоеўскі раён

У дзясятцы раёнаў з самымі нізкімі заробкамі не аказалася ніводнага рэгіёну, дзе заробак дацягнуў хоць бы да 500 рублёў. Пры гэтым самая маленькая сярэдняя зарплата – ніжэй 460 рублёў – цяпер не ў Шаркаўшчыне, а ў Лоеве і ваколіцах. Хоць былы антылідар са спісу самых бедных раёнаў усё адно не выйшаў.

А вось сапраўдны поспех прадэманстраваў Ушацкі раён, які нават не патрапіў у рэйтынг найменшых заробкаў. У чэрвені там у сярэднім плацілі 503 рубля (у маі – каля 480). Праўда, сакрэт поспеху просты – статыстыка ўлічыла адпускныя, якія выплацілі работнікам.

Акрамя таго, антырэйтынг папоўнілі адразу некалькі навічкоў: Міёрскі, Шумілінскі, Глускі, Ельскі, Браслаўскі і Брагінскі раёны.

“Наша Ніва” паводле finance.tut.by