Дзмітры перамог у вагавай катэгорыі да 56 кілаграмаў.

Як удакладняе sport.tut.by, Асанаў не лепшым чынам пачаў паядынак супраць дамініканца Гектара-Луіса Гарсіі-Мора, а ў першым раўндзе маладзечанца нават адправілі ў нокдаўн.

Пасля гэтага наш спартсмен пачаў баксіраваць больш актыўна і схіліў на свой бок сімпатыі двух з трох суддзяў. 

Ліцэнзію на ўдзел у Алімпійскіх гульнях Асанаў атрымаў летась у кастрычніку на чэмпіянаце свету ў сталіцы Катара Дохе.

Дзмітры выступае ў вагавай катэгорыі 56 кілаграмаў. Першы яго бой адбыўся на Алімпіядзе 10 жніўня ў вячэрняй частцы праграмы. 

Спартсмену 20 год. Ён бронзавы прызёр чэмпіянату свету-2015, сярэбраны прызёр Еўрапейскіх гульняў-2015. Дэбютант Алімпіяд.