Надвор’е будзе па-сапраўднаму летняе і цёплае, месцамі магчымыя кароткачасовыя дажджы

Пра гэта паведаміў начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітры Рабаў.

У аўторак ноччу па захадзе і паўднёвым усходзе краіны, а днём на большай частцы рэспублікі кароткачасовыя дажджы. У асобных раёнах навальніцы. Ноччу і раніцай месцамі слабы туман.

У сераду месцамі кароткачасовыя дажджы, ноччу і раніцай слабы туман.

– Пачынаючы з чацвярга ачаг высокага атмасфернага ціску з Заходняй Еўропы адсуне дажджы і навальніцы за тэрыторыю краіны, і да канца тыдня ўсталюецца сухое надвор’е, – паведаміў Рабаў.

У выходныя краіна без ападкаў, ноччу і раніцай у асобных раёнах слабы туман.

“Наша Ніва” паводле БелаПАН