Арганізатары запрашаюць правесці апошнія выхадныя лета ў кампаніі з рамантычным спеваком.

Пачатак мерапрыемства а 21-ай гадзіне. Прыехаць можна раней, а з’ехаць – у нядзелю ўдзень.

У праграме:

  • адпачынак на прыродзе
  • танцы, спевы ля вогнішча
  •  рыбалка
  •  экскурсія па навакольных мястэчках

Як сказаў Зміцер Вайцюшкевіч, для ўік-энду ў “Шаблях” ён падрыхтаваў адмысловую музычную праграму:

“Будзе канцэрт, які так і называецца – „Развітанне з летам“. А таксама будуць новыя песні з альбома, над якім я цяпер працую, на вершы Уладзіміра Някляева.”

Як адзначыў музыка, ні ён, ні арганізатары не чакаюць занадта вялікай колькасці гасцей. Таму ёсць падставы меркаваць, што не будзе і вялікай колькасці супрацоўнікаў міліцыі, як тое здаралася на некаторых сёлетніх фестывалях:

“З выступоўцаў буду я адзін, прысутных – да ста чалавек. Думаю, што будзе назіраць за ўсім участковы міліцыянер. Усё ж адзін Зміцер Вайцюшкевіч ніякай небяспекі не нясе”.