Так пажартавала следчая Валожынскага РАСК Юлія Селятыцкая, якая сустрэла мяне на парозе новага будынка Следчага камітэта, у які валожынскія следчыя пераехалі год таму.

Аднак у кожным жарце толькі доля жарту, тым больш, калі даведваешся, што з 10 следчых – палова якраз прадстаўніцы чароўнага полу.

Ды і сам начальнік Следчага камітэта Віталь Юрэвіч прызнаўся, што яму з дзяўчатамі працаваць гэтак жа проста, як і з супрацоўнікамі-мужчынамі:

Начальнік Следчага камітэта Віталь Юрэвіч. Фота Наталлі Тур.

Начальнік Следчага камітэта Віталь Юрэвіч. Фота Наталлі Тур.

– А дзяўчаты больш дысцыплінаваныя і больш уважлівыя. Ды і звярнуцца з просьбай да дзяўчыны прасцей. Адзіная наша праблема – гэта тое, што дзяўчаты маладыя. А значыць, у іх то вяселлі, то дэкрэты, то маленькія дзеці. Не, гэта ўсё добра, але з гэтым даводзіцца лічыцца.

А справы ў следчых хапае. Толькі за 2016 год у суд перададзеныя 150 спраў. Гэта значыць, на аднаго следчага прыходзіцца 15.

– Я адно магу сказаць, дай любому майму супрацоўніку справу і ён з ёй справіцца. Узяць хаця б нашага старшага следчага Сяргея Лапціка.

Старшы следчы Сяргей Лапцік. Фота Наталлі Тур.

Старшы следчы Сяргей Лапцік. Фота Наталлі Тур.

Сяргей Лапцік зімой расследаваў махлярства, якое ўчыніла група асоб у асабліва буйным памеры.

Нагадаем, што справа была такой.

Двое расіян прыехалі ў Беларусь, каб набыць цэлую фуру мяса. Яны звярнуліся па дапамогу да свайго знаёмага беларуса. Той паабяцаў дапамагчы, але зрабіў інакш.

Беларус уцягнуў у справу свайго знаёмага дырэктара кампаніі-перавозчыка.

Пакуль расіяне скуплялі ў прадпрымальнікаў мяса і напаўнялі ім рэфрыжэратар, іх беларускі знаёмы разам з уладальнікам рэфрыжэратара распрацоўвалі схему, як адабраць мяса.

У прызначаны дзень перад расіянамі разыгралі сапраўдны спектакль. Увечары на тэлефон кіроўцы рэфрыжэратара паступіў званок ад дырэктара з указаннем рабіць тое, што яму скажуць.

Калі кіроўца фуры праязджаў Валожыншчыну, машыну спыніў чалавек у камуфляжы, што стаяў побач з аўто з пробліскавымі маячкамі.

Расіяніну, які быў у кабіне побач з кіроўцам, мужчына заявіў, што дакументы на мяса выклікаюць сумнеў, таму машына з грузам будзе дастаўленая ў Валожынскі РАУС для праверкі. І што, хутчэй за ўсё, мяса канфіскуюць. Расіяніну прапанавалі выйсці з кабіны, а фура ў суправаджэнні машыны з мігалкамі з’ехала.

– Як потым нам прызнаваўся той пацярпелы расіянін, каб яго высадзілі дзе ў горадзе, ён бы і не падумаў звяртацца ў міліцыю, бо дакументаў жа на мяса ён не меў, але той сам не ведаў, дзе ён знаходзіўся.

Калі гаварыць пра статыстыку злачынстваў, то яна такая ж, як і па ўсёй рэспубліцы.

На першым месцы ідуць, вядома, крадзяжы, ці, як правільна называюць іх следчыя, маёмасныя злачынствы. Сёлета ў Валожынскім РАСК знахо­дзілася 177 заяў на такія злачынствы.

На другім месцы – нявыплачаныя аліменты. Такіх заяў у РАСК  – 20.

Трэцяе месца і 13 заяў на ўхіленне ад адбывання пакарання.

Ну і чацвертае месца па колькасці заяў (па сем заяў) дзеляць паміж сабой злачынствы, звязаныя з  наркотыкамі, і хуліганства.

Акрамя такіх злачынстваў, якія можна  падпарадкаваць статыстыцы, у практыцы  бываюць і злачынствы, расследаваннем якіх следчыя могуць ганарыцца.

Сёлета старшы следчы Аляксандр Шульга расследаваў службовае злачынства, якое здзей­сніла бухгалтар Валожынскага райспажыўтаварыства. Яна з аўтамагазіна скрала 233 мільёны недэнамінаваных рублёў.

Старшы следчы Аляксандр Шульга. Фота Наталлі Тур.

Старшы следчы Аляксандр Шульга. Фота Наталлі Тур.

Праца ў Следчым камітэце, прызнаецца Віталь Юрэвіч, зладжаная.

– Следчыя дзяжураць суткамі.  Супрацоўнікі РАСК, вядома, папярэджаныя, што тэлефон падчас дзяжурства з рук выпускаць нельга.

Ніхто ж не можа даць адказ, колькі разоў за дзяжурства давядзецца выехаць на месца здарэння. Бывае, што выездаў 3-4, а здараецца і такое, што за некалькі дзён следчыя не выязджаюць ні на адно здарэнне.

Акрамя таго, у аддзеле рэгулярна прахо­дзяць залікі па фізічнай падрыхтоўцы, па агнявой падрыхтоўцы.

– Следчыя любяць займацца спортам, – кажа Віталь Юрэвіч, – Некаторыя нават ­удзельнічаюць у сур’ёзных спаборніцтвах. Але асноўная задача Следчага камітэта – гэта расследаванне злачынстваў. З гэтым супрацоўнікі Валожынскага РАСК спраўляюцца выдатна.

Намеснік начальніка Следчага камітэта Уладзімір Ланько. Фота Наталлі Тур.

Намеснік начальніка Следчага камітэта Уладзімір Ланько. Фота Наталлі Тур.

Ад гэтага года 12 верасня – афіцыйнае прафесійнае свята следчых краіны.