Найбольш складаныя ўмовы надвор’я будуць у пачатку тыдня, у аўторак штармавое папярэджанне

Пра гэта паведаміў начальнік службы гідраметэаралагічных прагнозаў Гідрамета Мінпрыроды Дзмітры Рабаў.

У аўторак, 25 кастрычніка, абвешчана штармавое папярэджанне – на большай частцы краіны чакаецца ўзмацненне паўднёва-ўсходняга ветру парывамі 15-18 м/с, раніцай і днём па паўночна-заходняй палове – моцныя ападкі, дажджы, у асобных раёнах мокры снег.

У сераду, 26 кастрычніка, на большай частцы тэрыторыі краіны дождж, па ўсходзе з мокрым снегам. Па ўсходняй палове моцныя ападкі, слабы галалёд, ноччу і раніцай ўзмацненне ветру парывамі да 15-20 м/с.

У чацвер, 27 кастрычніка, з ростам атмасфернага ціску, непагадзь крыху супакоіцца: ноччу па паўднёвым усходзе, днём у асобных раёнах кароткачасовыя ападкі (мокры снег, дождж). Ноччу і раніцай у асобных раёнах туман, слабы галалёд.

Аднак, з пятніцы і да канца тыдня ўладу над надвор’ем возьме чарговы цыклон з цэнтрам над Скандынавіяй, праз нашу краіну будуць праходзіць атмасферныя франты.

У пятніцу, 28 кастрычніка, ноччу па паўночным захадзе, днём на большай частцы тэрыторыі мокры снег, дождж. Ноччу і раніцай у асобных раёнах слабы галалёд.

У выходныя на большай частцы тэрыторыі дажджы, па паўночным усходзе з мокрым снегам. Ноччу і раніцай у асобных слабы галалёд.

“Наша Ніва” паводле Tut.by