Сіноптык прагназуе, што “на большай частцы тэрыторыі ляжа няўстойлівае снежнае покрыва”.

У аўторак ноччу ў асобных раёнах кароткачасовы снег. Днём пераважна па заходняй палове мокры снег, дождж. Ноччу і раніцай на асобных участках дарог галалёдзіца.

У сераду чакаюцца працяглыя ападкі: мокры снег, які будзе пераходзіць у дождж. У асобных раёнах узмацненне ветру парывамі да 15—18 м/с, ноччу і раніцай слабы галалёд.

У чацвер у многіх раёнах дождж і мокры снег. У асобных раёнах слабы галалёд, ноччу і раніцай туман.

У пятніцу на большай частцы тэрыторыі кароткачасовы снег, мокры снег. Ноччу і раніцай на асобных участках дарог галалёдзіца.

Паводле слоў Рабава, у суботу з ростам атмасфернага ціску надвор’е крыху палепшыцца: ноччу ў асобных раёнах, днём пераважна па заходняй палове краіны кароткачасовыя ападкі: мокры снег, дождж. Ноччу і раніцай слабы галалёд, на асобных участках дарог галалёдзіца.

Аднак у нядзелю ўладу над надвор’ем возьме чарговы цыклон, які будзе ісці з паўднёвага захаду Еўропы і прынясе на большую частку краіны мокры снег, дождж.

Дзень

Тэмпература паветра днём

Тэмпература паветра ноччу

1 лістапада

ад -1 да +4, па паўднёвым захадзе да +6

ад 0 да -6

2 лістапада

ад 0 да +7, па паўднёвым захадзе ў асобных раёнах да +9

ад -4 да +3, па паўднёвым захадзе да +6

3 лістапада

тэмпература на працягу сутак ад +1 да +5

4 лістапада

ад -2 да +4

ад +4 да +2

5 лістапада

ад +2 да +5

ад 0 да -7

6 лістапада

ад -2 да +5

ад -3 да +3, па паўночным усходзе да -6

Паводле “Нашай Нівы”.