Калі дзеці з нецярпеннем чакаюць Новага года, каб атрымаць падарункі, то для большасці жанчын гэта час “Х”, да якога б хацелася пахудзець, пахарашэць, прывесці сябе ў парадак. 

Спецыяльна для вас, мілыя жанчыны, на працягу двух месяцаў абсалютная чэмпіёнка Беларусі па дэкаратыўнай касметыцы, саўладальніца і дырэктар вучэбнага цэнтра “Сфера прыгажосці” Святлана Прадуха будзе даваць парады, што рабіць, каб падкрэсліць перавагі і схаваць недахопы з дапамогай касметыкі, што падыходзіць жанчынам з розным тыпам скуры і іншае.

На гэты раз спецыяліст дала парады, як засцерагаць і сілкаваць скуру восенню і зімой, а разгледзела асноўныя памылкі догляду за скурай.

Фота забяспечана Святланай Прадухай.

Фота забяспечана Святланай Прадухай.

Два памылковыя меркаванні

1. Зімой мяняецца тып скуры.

Фота beauty-forum.hu.

Фота beauty-forum.hu.

На самой справе тып скуры не мяняецца на працягу жыцця. З узростам альбо зімой скура становіцца больш сухой, таму неабходна карэктаваць догляд, але з улікам тыпу скуры.

Зімой выбірайце сродкі, прызначаныя для скуры суседняга тыпу, якая больш сухая, чым ваша.

У вас тлустая скура і летам вы карыстаецеся крэмам альбо гелем з матавым эфектам, зімой вазьміце лёгкі дзённы крэм для камбінаванай скуры. Для камбінаванай скуры набывайце  крэмы з пазнакай “для нар­мальнай скуры”. Уладальніцам нармальнай скуры можна перайсці на крэм для сухой скуры. Для сухой скуры лепш скарыстацца крэмам для вельмі сухой скуры.

2. Зімой нельга карыстацца увільгатняльным крэмам, бо ў яго складзе вада, а яна на марозе замярзае, таму шкодзіць скуры.

Фота dobre.stb.ua.

Фота dobre.stb.ua.

На самой справе любы крэм утрымлівае ваду. Але ніводны не можа замерзнуць на скуры, таму што арганізм пастаянна пад­трымлівае нармальную тэмпературу цела. І крэм хутка награваецца да тэмпературы скуры.

Зімой, калі скура схільная да страты вільгаці і становіцца больш сухой, неабходна выкарыстоўваць больш насычаны дзённы крэм, у якога засцерагальныя і спажыўныя ўласцівасці пераважваюць над увільгатняльнымі.

Кампаненты, якія садзейнічаюць увільгатненню скуры, можна раздзяліць на два тыпы: якія робяць больш маруднымі выпарэнні вільгаці і якія яе прыцягваюць. Сучасная касметыка звычайна ўтрымлівае у сваім скла­дзе і тыя, і іншыя кампаненты. Аднак зімой трэба аддаваць перавагу крэму, у якім замарудж­ваецца выпарэнне вільгаці.

У цёплых памяшканнях у ацяпляльны сезон у паветры мала вільгаці, і кампанентам, якія здольны прыцягваць яе з паветра, у гэты перыяд асабліва прыцягваць няма чаго. Больш таго, калі ў памяшканнях вельмі сухое паветра, крэм пачынае выцягваць вільгаць са скуры. Таму многія жанчыны скардзяцца, што карыстаюцца крэмам, а скура сухая.

Якім павінны быць зімовы дзённы крэм

Утрымліваць раслінныя алеі і вітаміны. Яны ўтвараюць засцерагальную плёнку і таму абараняюць ад празмернай страты вільгаці.

Вітаміны забяспечваюць дадатковае харчаванне скуры.

Непажаданыя кампаненты: мінеральныя алеі, вазелін, парафін.

Макіяж зімой – дадатковая абарона скуры. Аднак ён павінны быць паслойным: спачатку дзённы крэм, дайце яму ўсмактацца, затым танальная аснова і невялікая колькасць рассыпістай пудры.

Фота CRNews.ru.

Фота CRNews.ru.