З хуткім надыходам зімы аўтааматары ўзяліся за галаву: як падрыхтаваць машыну, каб зімой не было сюрпрызаў ад любімага аўто.

Мы зрабілі інфаграфіку, каб тыя кіроўцы, якія пачынаюць падрыхтоўку да зімы з нуля, прыкладна ацанілі свой бюджэт.

А тыя, хто ўжо набыў зімовую гуму, з’ездзіў на шынамантаж або сам памяняў колы, цяпер могуць усміхацца і радавацца, што пра зіму падумалі раней. Яны зэканомленыя грошы могуць пакінуць, напрыклад,  на навагоднія падарункі.

Таксама інфаграфіка для тых чытачоў, хто збіраецца або нават не думае быць кіроў­цам. Паглядзіце, колькі машына вымагае грошай. Магчыма, гэта інфаграфіка дапаможа вам вызначыцца з пакупкай.

Калі падлічыць выніковую суму, якую давя­дзецца выкласці за падрыхтоўку аўтамабіля да зімы, атрымаецца прыкладна 520 рублёў  (а гэта больш за пяць мільёнаў недэнамінаваных рублёў).

Не раскоша аўтамабіль, ой, не раскоша. Але гэта і  не толькі сродак перамяшчэння. Хутчэй – член сям’і, любімчык, на якога не шкада траціць грошы, час і сілы.

Інфаграфіка Наталлі Тур

Інфаграфіка Наталлі Тур