Надвор’е на тыдзень: у краіну вяртаюцца маразы

У аўторак, 13 снежня, умовы надвор’я будзе вызначаць халодная няўстойлівая паветраная маса, якая паступае са Скандынавіі. Пераважна па паўночна-ўсходняй палове краіны пройдзе кароткачасовы снег. На асобных участках дарог галалёдзіца.

У сераду пад уплывам франтальных масаў, што перамяшчаюцца са Скандынавіі, ноччу ў асобных раёнах, раніцай і днём на большай частцы тэрыторыі краіны пройдзе снег, мокры снег, у асобных раёнах чакаецца слабы галалёд.

У чацвер, 15 снежня, ноччу на большай частцы тэрыторыі, днём у асобных раёнах краіны пройдзе кароткачасовы снег. На асобных участках дарог галалёдзіца.

У пятніцу, 16 снежня, у асобных раёнах краіны невялікі кароткачасовы снег, мокры снег, слабы галалёд, на дарогах галалёдзіца.

У выходныя надвор’е істотна не зменіцца: таксама чакаецца мінусавая тэмпература, у асобных раёнах краіны кароткачасовы снег, на дарогах галалёдзіца, слабыя туман і галалёд.

“Наша Ніва” паводле TUT.BY.