11 снежня ў 7:05 у Мядзельскі аддзел МНС патэлефанаваў мужчына. Ён паведаміў, што гарыць дом яго суседкі ў вёсцы Лыжычы Мядзельскага раёна.

Калі брыгада выратавальнікаў прыехала на месца, драўляны дом №13 гарэў адкрытым полымем.

У 7:48 выратавальнікі знайшлі труп гаспадыні. Гэта жанчына з 1928 года нараджэння, пенсіянерка. Яна жыла адна.

У доме знішчаны дах, часткова пашкоджаныя сцены і маёмасць.

Як стала вядома, у 2010 годзе на сродкі Мядзельскага райвыканкама ў доме пенсіянеркі быў усталяваны пажарны апавяшчальнік.

Прычыну пажару высвятляюць. Ёсць меркаванне, што дом загарэўся з-за няправільнага выкарыстання печкі.

Пра гэта расказала інспектар групы прапаганды і навучання Мядзельскага раённага аддзела МНС Ірына Карапецян.