У выхадныя выратавальнікам Вілейскага аддзела МНС паведамілі пра тое, што ў інтэрнаце на вуліцы Шубіна спрацаваў пажарны апавяшчальнік.

А адбылося ўсё так. У выхадныя гаспадыня інтэрнацкага пакоя вырашыла парадаваць сябе блінамі да вячэры.

Яна пачала іх пячы на электрычнай плітцы. Пакінуўшы чарговы блін на патэльні, жанчына выйшла на нейкі час на калідор.

У пакоі пачалося задымленне і спрацаваў пажарны апавяшчальнік, які і ўратаваў ад пажара.

З жанчынай правялі прафілактычную гутарку.

Пра гэта расказаў галоўны спецыяліст Вілейскага аддзела МНС Дзяніс Гаўрышчук.