16 лютага ў Вілейскім каледжы адбудзецца відовішчнае кулінарнае шоў “Дзень Судака”.

Сёлета ў каледжы адкрываецца рыбны рэстаран. “Асноўнай яго тэмай” стане Судак.

На шоў выберуць высакакласных повараў для працы ў гэтым рэстаране. Лепшыя маладыя кухары Вілейскага каледжа будуць змагацца за месца, здзіўляючы сваімі ведамі ў галіне кухарскага мастацтва і прыгатавання рыбы. Толькі абраныя прыгатуюць з судака самыя смачныя стравы.

Пераможцы шоў стануць удзельнікамі супербрыгады кухараў рыбнага рэстарана.

Госці стануць удзельнікамі шоў, паспытаюць рыбныя смачнасці і атрымаюць арыгінальныя сувеніры.

Пра гэта расказала педагог-арганізатар каледжа Святлана Мацукевіч.