У працяг сваіх вандровак па беларускай зямлі Юры Жыгамонт накіраваўся ў вёску Мільча, якая знаходзіцца ў Вілейскім раёне.

 Гэта былое ўладанне Віленскага ваяводы і канцлера ВКЛ Мікалая Радзівіла. Сваю гісторыю мястэчка вядзе яшчэ з XVI стагоддзя, а сёння стала героем новага выпуска праекта “Падарожжа дылетанта“.

Колішні ўладальнік мястэчка, прадстаўнік славутага роду Тышкевічаў — Канстанцін — збіраў тут фальклор для сваёй кнігі “Вілія і яе берагі”. Яшчэ Мільча вядомая помнікам архітэктуры, праваслаўнай царквой Нараджэння Найсвяцейшай Багародзіцы, якую збудавалі ў 1865 годзе. Старажытная вёска знаходзілася ўбаку ад вёскі сённяшняй, пра што сведчаць рэшткі каменнай капліцы, пра якую амаль нічога не вядома.

Але пра Мільчу ёсць што распавесці! Самы вядомы вандроўнік Беларусі Юры Жыгамонт у гэтым пераканае кожнага. Прыемнага прагляду.