Як мы будзем выбіраць фіналістаў і калі ўручым падарункі, чытайце далей.

У конкурсе эсэ было пяцёра ўдзельнікаў. Гісторыю пра тое, як зарабіць мільён, напісаў вучань Даўгінаўскай школы Дзяніс Яскевіч. Трое ўдзельнікаў – Валя Трубач, Максім Святоха і Надзея Бобрык абралі адну тэму – “Тыдзень на бязлюдным востраве”. Работу пятай удзельніцы, Надзеі Рухлі, прысвечаная любімаму беларускаму слову.

На сайце rh.by прайшло галасаванне за ­ўдзельнікаў. Па выніках яго вызначыліся тры фіналісты конкурсу, сярод якіх жараб’ёўкай будзе вызначаны адзін пераможца.

Жараб’ёўка пройдзе ў пятніцу, 24 сакавіка, у 14 гадзін.

На ёй могуць прысутнічаць усе ­ўдзельнікі конкурсу.

Узнагароджанне адбудзецца ў аўторак, 28 сакавіка, на занятках курсаў беларускай мовы “Мова нанова” ў маладзечанскай бібліятэцы “Верасок”. На яго запрашаем усіх удзельнікаў конкурсу.

Хто выйшаў у фінал у конкурсе пра адпачынак

Конкурс, у якім мы прымалі гісторыі адпачынку, сабраў разнастайныя маршруты: і па нашым рэгіёне, і па Еўропе, і нават вандроўку ў Афрыку. Свае працы дасылалі як школьнікі, так і дарослыя. Сярод сямі ўдзельнікаў галасаваннем на сайце вызначаныя тры фіналісты: Ігар Кіцікаў, Максім Драгун, Вячаслаў Курбака.

Пераможцу сярод іх вызначым таксама жараб’ёўкай. Пачнём яе адразу пасля таго, як атрымаем імя пераможцы конкурсу эсэ – 24 сакавіка пасля 14 гадзін.

Прысутнічаць могуць усе ўдзельнікі конкурсу. Пераможцу ўганаруем на занятках “Мовы нанова” 28 сакавіка ў бібліятэцы “Верасок” у Маладзечне. Запрашаем на ўзнагароджанне ўсіх удзельнікаў.