На 23 сакавіка вілейская служба занятасці прапануе зацікаўленым каля 150 вакансій.

Самы высокі заробак прапануюць на пасаду начальніка вузла паштовай сувязі мінскага філіяла «Белпошты» – 1 020.41 рублёў.

958,10 рублёў – такі заробак прапануюць таму, хто стане намеснікам старшыні вілейскага райвыканкама.

Крыху менш прапануюць на пасаддзе дырэктара ў адкрытым акцыянерным таварыстве «Даўгінава» або ў «Райаграсервісе» – 700 рублёў.

Прыкладна ў 600 рублёў ацэньваюць працу швачкі-мадэльера, а таксама заатэхнікаў і аграномаў у некаторых гаспадарках раёна.

Заробкі па 500 абяцаюць арматуршчыкам, мулярам, штукатурам і бетоншчыкам з Вілейшчыны, якія паспяхова пройдуць праверку ў КДБ і паедуць працаваць на будаўніцтва Беларускай АЭС.

У першую школу Вілейкі запрашаюць педагога-псіхолага. Прапануюць 550, 14 рублёў. Настаўніку пачатковых класаў у вілейскай школе №3 – 306,96.

Медыцыне патрэбныя памочнікі доктара-гігіеніста з заробкам 300 рублёў, дактары-спецыялісты, якім прапануюць 350.

Шмат патрабуецца кіроўцаў. Заробкі – ад 300 да 500 рублёў.

Ад 300 да 440 абяцаюць аператарам машыннага даення на сельскагаспадарчых прадпрыемствах раёна.

Крыху не дацягвае да 300 заробак леснікоў, цырульніка, паляводаў, рэжысёра ў людвіноўскім Доме культуры.

Шмат вакансій на пасаду агранома трактарыста (300-600 рублёў), прадаўца (260-450 рублёў).