З нечаканай праблемай сутыкнуліся жыхары Радашкавічаў. 

Паблізу мястэчка запраўку закрылі на рэканструкцыю, таму мясцовыя кіроўцы вымушаныя ездзіць па паліва аж пад Мінск.  Ці ў Маладзечна.

Мясцовы жыхар Дзмітры Рабушка кажа:

– Я працую ў Мінску, таму час ад часу запраўляюся ў сталіцы. Але, калі рухаешся ў бок Мінску, сапраўды, бліжэйшая запраўка месціцца толькі ў Ратамцы. Ёсць, праўда, запраўка ў самім Заслаўі, але туды трэба збочваць.

Аднак Дзмітры не кажа пра тое, што на запраўцы ў Заслаўі няма бензіну А-95.

Але не толькі запраўка ў Радашкавічах закрытая на рэканструкцыю.

Карыстальнікі рацыі “Без тармазоў” паведамляюць, што на рэканструкцыю закрытая запраўка “Беларуснафта” на трасе Мінск-Маладзечна паблізу  Заслаўя.

Па тэлефоне нам адказалі, што запраўка будзе закрытая да канца мая.

Улічвайце гэта, шаноўныя вадзіцелі, калі выпраўляецеся ў далёкую дарогу.