У нядзелю 7 мая ў Гародзьках прайшоў першы рэгіянальны фэст “Суседзі”.

стэчка месціцца на мяжы трох раёнаў: Валожынскага, Смаргонскага і Маладзечанскага. Адсюль і яго назва. Усе тут жывуць па суседству.

 – Адметнасцю фэста,  – кажа загадчык школы мастацтваў у Гародзьках Валер Язерскі,  – ёсь тое, што ініцыятыва правядзення фэсту была знізу, ад простых мясцовых жыхароў. А работнікам культуры засталося гэту ініцыятыву падтрымаць.

Каля чатырох гадзін самадзейныя і клубныя артысты з Маладзечаншчыны, Валожыншчыны пелі і танцавалі перад гародзькаўцамі і гасцямі, якіх на пляцоўцы перад школай мастацтваў сышлося добра больш за сотню.

А ў той самы час побач мясцовыя ўмельцы праводзілі школкі па вырабе глінянага посуду, вучылі як зрабіць паштоўкі з пацерак і войлаку, вялі майстар-класы па вырабе лялек… Працавала і веламайстэрня.

Выступалі артысты з Беразінскага дома культуры  – народны вакальны ансамбль “Беразіначка”, гурт народнага гумару “Дубінскія фанабэры” з Дубіны, фальклорны ансамбль “Гасцінец” з Ракава, самадзейны гурт “Гутатэлі” з невялічкай вёсачкі Лохаўшчына і шмат яшчэ самых розных выступоўцаў.

Нечаканасцю для некаторых аматараў сучаснай беларускай музыкі стала і выступленне Піта Паўлава, саліста ў мінулым гуртоў N.R.M., KRIWI, які раптам прызнаўся, што ён самы сапраўдны мясцовы, бо мае домік і кавалак зямлі ў той самай Лохаўшчыне!

Завяршальным акордам быў паказ у актавай зале школы толькі што знятага мясцовымі хлапчукамі фільма пра Гародзькі. Вучыў іх кінарэжысёрскаму, аператарскаму і журналісцкаму рамяству рэжысёр з Польшчы Даніэль Кермут.

Выступае “Беразіначка”.

Гледачы

Вітальнае слова “Суседзям” старшыні Валожынскага райсавета Сяргея Глінскага.

Усім хочацца свята.

Выратавальнікі прыехалі ў Гародзькі не толькі каб быць напагатове, усё ж масавае мерапрыемства, але таксама вучылі дзяцей і дарослых паводзінам у экстрэмальных сітуацыях. Або як такіх сітуацый пазбегнуць.

На фэсце ганаравалі старажылаў і ўручалі падарункі толькі што прыйшоўшым на свет. Гэтага пухнатага зайца папрасілі перадаць Антону Сліжу, які нарадзіўся 30 сакавіка. Шчаслівы тата Вадзім.

Гурт з Ракава “Гасцінец” радаваў старадаўняй музыкай, выступаў на сцэне, а таксама цягнуў у кола танцаў гледачоў.

Гурт “Гутатэлі” з Лохаўшчыны. Аўгіня і Уладзіслаў. Разам з мясцовымі дзяўчаткамі, якія яшчэ толькі вучацца спяваць для публікі.

Аўгіня Манцэвіч, Даша Івашанка, Аліна Шкут, Дыяна Болвах, Паліна Лявіцкая, Насця Гоман, Уладзіслаў Юркоў (Верасень).

Дзесяткі фотакамер, планшэтаў і смартфонаў фіксавалі кожнае імгненне фэста.

Тым часам на майстар-класах…

…Ля галерэі пад адкрытым небам…

… Ля скрыні пажаданняў.

Вясёлыя суседзі з Дубіны.

Калектыў з Мінска “Папараць”. Спявае Піт Паўлаў, гаспадар дамка і кавалка зямлі ў Лохаўшчыне.

Гурт народнай песні “Сваякі” з Валожына.

Чалавек, без якога, як сказалі вядучыя, не адбываецца ні адно свята на Валожыншчыне Вікенці Адамовіч, начальнік аддзела ідэалогіі, культуры і па справах моладзі чытае байкі.

Арганізатары свята Юля Лісіца і Аляксей Піскун з Лоска (у цэнтры), загадчык школы мастацтваў у Гародзьках Валер Язерскі, Аўгіня Манцэвіч з Лохаўшчыны (злева), 

Гародзькаўскія хлопчыкі, якія паказалі зняты імі фільм пра сваю вёску, перад удзячнымі гледачамі.

Польскі кінарэжысёр Даніэль Кермут дапамагаў юным кінадакументалістам зрабіць свае першыя кадры ў жыцці.

Фота Аляксандра Манцэвіча.

Аб чым мараць у Гародзьках. Хлопчыкі знялі фільм пра сваю вёску